پکتيا چارواکي: په بمي چاودنه کې يو افسر او ۴ پوليس وژل شوي

(کابل ټکی کام ۱۳۹۵لړم ۱۸) الماس خدرخېل

د پکتيا ولايت امنيتي منسوبين وايي، چې د دغه ولايت په احمدخېلو ولسوالۍ کې د سړک غاړې په بمي چاودنه کې د ملي پوليسو يو افسر او څلور پوليس وژل شوي دي.

د پکتيا امنيه قوماندان مل پاسوال قادرګل ځدراڼ امريکاغږ ته وويل، چې چاونه تېره ورځ له ماښام وروسته د احمدخېلو په نوم کلي کې داسې مهال د پوليسو پر موټر شوې، چې هغوی پر ګزمې بوخت وو.

په چاودنه کې موټر هم له منځه تللی دی.

طالبانو د دې پېښې مسووليت منلی او ويلي يې دي، چې تېره ورځ شاوخوا درې بجې د احمدخېلو په شوات سيمه کې يې د امنيتي ځواکونو په موټر ماين چاودنه کړې او پکې يې يو شمير پوليسو ته مرګ ژوبله اړولې ده.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close