پکتیا: زرمت کې د امریکایانو په ګډون د کمپاین ۲۳عسکر وژل شوي

 

تازه راپورونه وایي، چې د پکتیا ولایت په زرمت ولسوالۍ کې د عملیاتو پر مهال طالبانو د کمپاین له عسکرو سره څو ساعتیزه مخامخ جګړه کړې، چې د تلفاتو تر لیدلو وروسته ګډو ځواکونو د خلکو کورونه بمبار کړي.
ځایي خلک وایي، طالبانو له کلیو او کورنو لرې له راغلې قوې سره جګړه کړې او د امریکایانو په ګډون ګڼ شمیر ضربتي عسکر یې وژلي.
طالب ویاند ذبیح الله مجاهد وایي “ د جګړې په جریان کې د یوه جنرال په ګډون ګڼ شمیر امریکايي عسکر او د کابل ادارې تر ۲۳ ضربتي ځواکونه ووژل شول“
هغه زیاتوي، ګډو ځواکونو د تلفاتو تر لیدلو وروسته پر ولسي میشت ځایونو چې د دوی افرادو هلته هیڅ شتون نه درلود، بمباري کړې او ګڼ ملکي تلفات یې اړولي.
د راپورونو تر مخه ، په دې جګړه کې ۶ وسلوال طالبان او ۴۵ عام ولسي وګړي چې غوڅ اکثریت یې ښځې او ماشومان و او یوولس کسه د یوې کورنۍ غړي و، وژل شوي او لسګونه نور ټپیان دي.

د قربانیانو کورنۍ وایي، د حکومت دا ادعا چې ګواکې طالبانو یې د خلکو په کورونو کې پناه اخیستې وه یا یې هم د دوی له کورونو د سنګر په توګه کار اخیست، کاملاً بې اساسه ادعا ده او کوم حقیقت نه لري.

د روانې جګړې په اوږدو کې ډير ځله ليدل شوي چې امريکايانو او دولتي عسکرو د ځاني يا مالي زيان ګاللو وروسته د غچ اخيستلو په هدف بې له توپيره ټوله سيمه بمبار کړې، چې ډيری پکې ولسي وګړي تلف شوي دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close