ځمه د پامیر سر ته.. اذان کوم!

م. زبیر شفیقي

بیا راویښومه دا ویده نړۍ

بیا یې پوهومه دا ساده نړۍ

بيا پرې ګډومه د تکبیر چیغې

بېرته چې ژوندۍ کړمه دا مړه نړۍ

***

بیا یې منترونو ته غوږ ایښی دی

بیا یې پرګنې شولې درنې ویدې

خدایږو سکوت مرګ دی او چې مات یې کړي

بیا راويښومه زلزلې ویدې

***

دلته ازانګې که د تکبیر نه وي

دلته که د وینو ډېوې مړې شولې

خود به راخوریږي طاغوتي نظام

چوپې د قرآن که زمزمې شولې

***

زموږ د سرښندنو او غیرت څلي

دنګ به شي، لا دنګ به شي، لا دنګ به شي

زموږ د توریالیو د مورچل اواز

خور به شي امت ته لوی غورځنګ به شي

***

نو!

ځمه د پامیر سر ته، اذان کوم

بیا راويښومه دا ویده نړۍ

بيا پرې ګډومه د تکبیر چیغې

بېرته چې ژوندۍ کړمه دا مړه نړۍ

ــــ ۱۳۷۰هـ ش / ۱۹۹۲ز

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close