چارواکي: بادغيس کې د ملي اردو دېرش عسکر وژل شوي دي

(کابل ټکی کام، ۱۳۹۷، غبرګولی ۳۰) د بادغيس د ولايتي شورا رییس عبدالعزيز بيګ وايي، طالبانو په بالامرغاب ولسوالۍ کې د ملي اردو په پوستو بريدونه کړي چې له کبله يې لسګونه عسکرو ته مرګ ژوبله اړولې ده.

د بېګ په خبره، د طالبانو په دغه بريدونو کې د اردو دېرش عسکر وژل شوي، د هغوی لسګونه ميله درنې او سپکې وسلې او دوه هاموي ټانګونه يې هم له ځان سره وړي دي.

د دفاع وزارت د وياند د دفتر سرپرست محمد رادمنش وايي، په بالامرغاب کې تېره شپه د طالبانو د بريدونو په ترڅ کې يوولس عسکر وژل شوي او نهه تنه نور ټپيان دي.

په عين حال کې د بادغيس د امنيې قوماندانۍ وياند نقيب الله اميني وايي، طالبانو په آب کمري ولسوالۍ هم بريدونه کړي چې ځينې سيمې يې نيولي دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close