چلي کې زورورې زلزلې ۵ تنه وژلي او د سونامي وېره ده

د چلي چارواکو ويلي دي، چې تېره ورځ ماښام مهال د دې هېواد مرکز سانتياګو يوې زورورې زلزلې لړزولی دی.

چارواکو د زلزلې قوت ۸.۳ ښودلی دی، چې له امله يې تر دې دمه ۵ تنه وژل شوي دي او ګڼ نور نادرکه دي.

نږدې يو مليون کسان په ساحلي سيمو کې له دې امله له خپلو کورونو ويستل شوي دي، چې شونې ده، د زلزلې له امله د سمندرونو اوبه راپورته شي او د سترو سېلابو لامل شي.

ماهرينو ويلي دي، چې دغې زلزلې تر لسو کلو مترو پورې ژور والی درلود او په وينا يې شايد داسې سونامي رامنځته کړي، چې امريکا او نيوزيلينډ ته هم ورسېږي.

د چلي ولسمشرې مېشيل باچيليټ په پېښه ژوره خواشيني ښودلې ده.

ياده دې وي چې چلي د نړۍ له هغو هېوادو څخه دی، چې زلزلې په کې ډېرې پېښېږي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close