کابل: سروبي کې د ملي اردو چورلکې سقوط کړی

(کابل ټکی کام، ۱۳۹۷، زمری ۱۱)

د کابل ولايت په سروبي ولسوالۍ کې د افغان پوځ د ملي اردو ځواکونو اړوند چورلکې سقوط کړی دی.

د افغانستان د دفاع وزارت د دفتر سرپرست رادمنش د يادې چورلکې سقوط تاييدوي وايي، پېښه د تخنيکي ستونزو له امله رامنځته شوې او چورلکې بېړنۍ ناسته کړې.

پېښه تېره ورځ ناوخته د يادې ولسوالۍ مربوط د اوبو بند په جنوبي خوا کې رامنځته شوې.

که څه هم رادمنش وايي، په ياده پېښه کې د هليکوپتر عملې يو تن ټپي دی خو د کابل د امنيې قوماندانۍ سرچينو ويلي، په پېښه کې یو تن وژل شوی او څلور تنه نور ټپيان شوي دي.

ځينو سرچينو د چورلکې سقوط د برېښنا پايې سره ټکر کېدل بللي خو يو شمير ناتاييد شوي راپورونه وايي چې د طالبانو په ډزو نسکوره شوې خو تر اوسه طالبانو په دې اړه څه نه دي ويلي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close