کابل يم

فکرمل طالب

چا ته مرګ چا ته زندان یمه کابل يم

چا ته خوږ لکه خپل ځان یمه کابل يم

 

د ننګو شمله مې هسکه په جهان ده

د غزا ګرم میدان یمه کابل يم

 

د زقوم ترخه لُقمه یم نه تېرېږم

هر غاصب لره تاوان یمه کابل يم

 

روغ سرونه هیچا نه دي رانه وړې

غازي کور د ميرويس خان یمه کابل يم

 

لاهو کړې مې لښکرې فرعوني دي

د اجل د نیل پشان یمه کابل يم

 

فکرمله د تاريخ په حافظه کې

په یوه نوم خراسان یمه کابل يم

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close