کابل ټکی کام نظر پوښتنه کې۶۹٪ د سولې خنډ د بهرنيانو شتون بولي

(کابل ټکی کام، ۱۳۹۷، چنګاښ ۵) د کابل ټکی کام له لوري تېره ورځ په فسبوک پاڼه يوه نظر پوښتنه وشوه او له خپلو کتونکو څخه پکې پوښتل شوي و چې په افغانستان کې دسولې پر مخ کې لوی خنډ څه شی دی؟ د طالبانو عمليات؟ که د خارجيانو شتون؟.

دغه نظر پوښتنه کې نږدې څلور زره کسانو رايې ورکړي چې ۶۹٪ سلنه خلکو د سولې پر مخ لوی خنډ د خارجيانو شتون ښودلی او ۳۱٪ خلکو د طالبانو د عملياتو مخالف رايه کارولې یعنې د طالبانو عمليات يې د سولې خنډ بللي دي.

نظر پوښتنې ته لسګونه خلکو کمنټونه کړي چې ډیرو يې په افغانستان کې بهرني ځواکونه يرغلګر بللي او د هغوی شتون يې د سولې پر وړاندې ستر خنډ یاد کړی دی.

د محمد الکوزي په نوم يو تن ليکلي د “کافرانو شتون د سولې پر مخ لوی خنډ دی” خو لطيف الله سهاک بيا وايي چې د “کافرانو سربيره د ګوندونو زياتوالی هم په مخنيوي کې رول لري”.

مولاجان مسلم دوست لیکلي: د سولې په مخ کې لوی خنډ اول بهرني یرغلګراودویم قانون اساسي کفري دی خو ميرنواز همدرد وايي “طالب نشته، غم ټول امريکا او پاکستان جوړ کړی دی”.

نظرپوښتنې ته د شيرشاه حقيار په نوم يو تن په کمنټ کې ليکلي: د ‌‌‌‌‌سولې لوی خنډ ‌‌د ‌‌‌‌‌‌ډيورند خط دی. کله چې د ‌‌‌‌‌‌ډيورند خط فیصله وشوه نو طالبان به د خپلو مشرانو په خوله د افغانستان حکومت سره سوله وکړي.

نظير ناظربيا ليکي، نه خارجيانو ته اړتيا لرو او نه د طالبانو عملياتو ته او افغان عرب وايي دواړو خواوو ته افغانان وژل کېږي “هم د طالب جنګ کې او هم د امریکا په جنګ کې”. خو احمد ذکي شينواري ويلي ترڅو چې اشغال دوام لري په هېواد کې سوله او آرامي ناممکنه ده.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close