کابل: په بګرام هوايي ډګر او ناټو قومندانۍ توغندي وار شوي

(کابل ټکی کام، ۱۳۹۷، زمری ۲۸)

د راپورونو له مخې، په پروان ولايت کې د بهرنيو ځواکونو په تر ټولو ستر پوځي مرکز “بګرام هوايي ډګر” د توغنديو بريد شوی چې د ځايي سرچینو او طالبانو په وينا هغوی ته پکې تلفات اوښتي دي.

دغه راز د کابل ښار شپاړلسمې امنيتي حوزې ته څېرمه د ملي امنيت پر ناټو قومندانۍ ته څيرمه هم دوه توغندي لګېدلي چې تر دې دمه يې د تلفاتو په اړه کره معلومات نه دي ورکړل شوي.

د کابل د امنيه قومندانۍ وياند حشمت ستانکزی دغه بريدونه تاييدوي وايي، چې يو د قلعه زمان خان اړوند سيمه کې لګېدلی زياتوي چې مرګ ژوبله نه لري.

نوموړی وايي، دغه توغندي د کابل ښار له ختيځې سيمې هغه مهال وتوغول شول چې کله په د وزیراکبرخان پر غونډۍ د خپلواکۍ د بيرته اخيستلو د کليزې مراسم روان و.

طالبانو پر بګرام هوايي ډګر د توغنديو بريد منلی وياند يې ذبيح الله مجاهد په خپله ټويټر پاڼه ليکلي: په دغه بريد کې امريکايي ځواکونو ته تلفات اوښتي خو په اړه يې دقيق معلومات نه دي ترلاسه شوي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close