کابل کې د ټاکنو کمېسيون د کارکوونکو پر موټر چاودنه شوې ده

(کابل ټکی کام، ۱۳۹۷، لړم ۷)

د کابل ښار د نهمې حوزې اړوند د ټاکنو کمېسيون دفتر مخې ته د چاودنې له کبله مرګ ژوبله اوښتې ده.

ځايي سرچينې وايي، چاودنه د کمېسيون د کارکوونکو پر يوه موټر شوې چې په ترڅ کې يې څو تنه ټپيان شوي دي.

سيمې ته نږدې امنیتي سرچينې وايي، دغه چاودنه نن سهار د اته بجو په شاوخوا کې رامنځته شوې ده.

د کابل پوليس د ټاکنو کمېسيون دفتر مخې ته چاودنه تاييدوي خو له جزياتو ورکولو ډډه کوي.

د کابل د امنيې قوماندانۍ ویاند بصیر مجاهد وايي، چاودنه د يوه سرتيري بريد له لوري شوې چې مخکې د پوليسو له لوري په نښه شوی زياتوي چې په ترڅ کې دوه پولیس او څلور ملکي وګړي ټپيان دي.

خو د انتخاباتو کمېسیون ویاند حفیظ الله هاشمي ويلي، سرتيري بريدګر د کمېسيون د کارمندانو له یوه موټر سره نېږدې چاودنه کړې ده چې ۶ کسان يې ټپیان کړي دي.

تر اوسه د چاودنې مسؤليت چا په غاړه نه دی اخيستی.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close