کاناډا: د هوايي ځواکونو جیټ الوتکه غورځيدلې

 (کابل ټکی کام ۱۳۹۵ لیندۍ۹) زرغون خوږیاڼی

د کاناډا مطبوعاتو ویلي، چې په البرټا ښار کې د ددغه هیواد د هوايي ځواکونو جیټ الوتکه غورځيدلې ده.

د کاناډا دفاع وزارت ویلي، چې د اوتاوا هوايي ډګر « CF-18 » ډوله جیټ الوتکه د روزنیزې الوتنې پر مهال غورځیدلې او پیلوټ یې وژل شوی دی، دفاع وزارت ددې پيښې په اړه ژور خفګان څرګند کړی دی.

د کاناډا د هوايي ځواک مشر میچیل هووډ، د الوتکې د غورځیدو پيښه تائيد کړې ده، « دا د کاناډا د شاهي هوايي ځواک لپاره یوه ډيره خواشینونکې ورځ ده، او یقیناُ زما د خواشینۍ او ډاډ ګیرنې پیغام به د پیلوټ کورنۍ ته ورسیږي».

هغه زياته کړه، چې د الوتنې د غورځيدو پلټنې به په خونديتوب سره ترسره شي، چې د الوتکې د لوېدو لامل معلوم کړي.

د البرټا ښار په سکاچیوان سرحدي سړه سیمه کې پیلوټان جنګي مهارتونه او له هوا څخه د ځمکنیو هدفونو ویشتل زده کوي،چې یاده الوتکه هم په دغه سیمه کې غورځيدلې ده.

د هووډ په وینا دا یو خطرناک کار دی چې زموږ نر او ښځې پیلوټانې له داسې پيښو سره مخ کیږي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close