کشمير: د هندي ځواکونو په ډزو ۱ پاکستانی سرتیری وژل شوی ۳ ټپيان دي

(کابل ټکی کام ۱۳۹۵لړم ۱۷) الماس خدرخېل

د پاکستان خبري رسنيو خپرو شوو راپورونو له مخې هندي ځواکونو د کنټرول کرښې ته څيرمه وسلوال بريد کړی، چې په ترڅ کې يې ۱ پاکستانی سرتیری وژل شوی او ۳ تنه نور ټپيان دي.

په سيمه کې د پوليسو يو تن مشر ذیشان نثار رسنيو ته ويلي، چې د هندي ځواکونو په ډزو کې د دوی يو تن ۳۰ کلن پوليس وژل شوی او ۳ تنه نور ټپيان دي.

نښته سهار مهال د کشمير په يوه غرنۍ سيمه کې رامنځته شوې ده.

په سيمه کې يو تن عيني شاهد ويلي، چې وژل شوي دوه تنه دي، خو د پوليسو مشر د دوهم کس په اړه څه نه دي ويلي.

په دې وروستيو کې هندي او پاکستاني ځواکونه يو بل باندې د بريدونو ادعاګانې کوي.

بل پلو د پاکستاني پوځ يو لوړ پوړي چارواکي ويلي، چې په هندي ځواکونو يې ځوابي بريدونه ترسره کړي، چې لا هم دوام لري.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close