کندز کې افغان عسکرو د ملکي وګړو پر کورونو بریدونه کړي

کابل ټکی کام ۰۱غويي/۱۳۹۵، احمدالله مهاجر
له کندز څخه خبري منابع وايي، چې د دغه ولایت په دشت ارچي ولسوالۍ کې د افغان عسکرو له لورې د عوامو کورونه په نښه شول.
خبر وایي، چې افغان عسکرو په دغه برید کې له درندو وسلو څخه کار واخیستو.
له کندز څخه د ورکړل شوي خبر پر اساس چې د دغو بریدونو له کبله د یوې کورنۍ ۲ مېرمنې وژل شوي، او ۶ تنه نورې مېرمنې ټپيانې شوې دي.
په ټپيانو شویو کې ماشومان هم شامل دي.
باید ووایو، چې د هېواد په ډېریو ولسوالیو کې افغان عسکر د طالبانو سره له جګړې وروسته پر ملکي وګړو بریدونه کوي.
د یادولو ده، چې د بغلان ولایت په ډنډغوري او ډنډ شهاب الدین سیمو کې د طالبانو او افغان عسکرو د جګړو پر مهال افغان عسکرو د ملکي وګړو پر کورونو، مساجدو او پر نورو عام المنفعه ځایونو باندې بریدونه وکړل، چې ملکي وګړو ته یې خورا تلفات واړول.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close