کندهار کې د ملي اردو د ښځینه کارکوونکو پر موټر وسله وال برید شوی

 (کابل ټکی کام ۱۳۹۵ لیندۍ ۲۷ ) زرغون خوږیاڼی

نن سهار شاوخوا شپږ بجې د کندهار ښار د څلورمې امنیتي حوزو اړوند د ده خواجه سیمه کې ناڅرګندو وسله والو پر یو ټونس موټر وسله وال برید کړی.

ویل کیږي، چې په برید کې موټر چلوونکی او ۵ ښځې وژل شوي دي او برید کوونکي وسله له سیمې تښتیدلي دي.

د پېښې انګیزه تراوسه سمه معلومه نه ده، خو ځینو سرچینو کابل ټکی کام ته وویل، چي دا ښځي د ملي اردو په لیکو کې ډاکټرانې او روغتیايي کارکوونکې وې.

خو په سیمه کې یوه بله سرچینه بیا وایي، چې دا ښځي د کندهار د هوایي ډګر کار کوونکې وې او هلته یې دندې درلودلې.

تر اوسه په دې اړه رسمي سرچینو او وسله والو څه نه دي ویلي.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close