کندوز: چهاردرې ته د ګډوځواکونو ورغلې عملیاتي قوه شاتګ ته اړ شوې

 

(کابل ټکی کام ۱۳۹۷ تله ۷)

راپورونه وایي چې،د کندوز ولایت د چهاردې ولسوالۍد امریکایي ځواکونو لویه عملیاتي قوه چې د صفر ۹ قطعې یې هم ملتیا کوله، د طالبانو د سختو بریدونو له امله شاتګ ته اړ شوې.
که څه هم چارواکي وایي چې، د امریکایی ځواکونو په ملتیا یې له چهاردرې څخه طالبان ایستلي او هغوی ته یې ګڼ تلفات اړولي خو د سیمې خلک او وسلوال طالبان بیا ادعا کوي، چې د امریکایي او افغان ځواکونو دغه عملیاتي کاروان د سختو بریدونو او چاودنو له امله تیښتې ته اړ شوی.

طالبان وایي په دې بریدونو کې ۲ بهرني ځواکونه ، ۲۱ کمانډو عسکر او ۳ اربکیان وژل شوي او دغه راز ۲ بهرنیان ۱۱ افغان عسکر ټپیان دي.
طالبانو د ګډو ځواکونو عملیاتي کاروان ته د مالي تلفاتو د اړولو ادعا هم کړې.
دغه راز طالبانو د خپلو دو ملګرو د وژل کیدو او یوه تن د ټپي کیدو پخلی هم کړی دی.
باید وویل شي چې امریکایي ځواکونو په دې عملیاتو کې د خپلو افغان ملګرو په ملتیا ګڼ شمیر اولسي کورونه بمبار او یا هم په درنو وسلو وویشتل چې له امله یې عامو هیواد والو ته درانه تلفات اوښتي دي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close