کورنيو چارو وزارت: له دې وروسته به لاریونونه د پوليسو سره په همغږۍ ترسره کېږي

(کابل ټکی کام، ۱۳۹۷، لیندۍ ۶)

د افغانستان د کورنيو چارو وزارت وايي، هغه لاريونونه او اعتراضیه غونډې چې له درې وروسته ترسره کېږي بايد پوليس په جريان کې وي او د هغوی سره په همغږۍ ترسره شي.

د کورنيو چارو وزير ويس احمد برمک چې نن د مشرانو جرګې استجوابيه غونډې ته ورغوښتل شوی و وويل، هزاره قومندان علي پور په یو شمير جرمونو ککړ دی زياته يې کړه چې نوموړی به د خپلو جرمونو سپيناوی کوي او وروسته يې به يې په اړه پريکړه کېږي.

برمک وويل، هغه کسانو چې د علي پور په پلوۍ يې لاريون کې يې تاوتريخوالی او ورانی کړی د خپلو کړنو ځواب به ورکړي په وينا يې د تيرو مظاهرو او نا راميو ترسره کوونکي پنځوس تورن کسان نيول شوي دي.

برمک په ټينګار سره وويل، چې د هرې پلان شوې مظاهرې له جوړولو مخکې باید پولیسو ته خبر ورکړل شي او زياته يې کړه د پولیسو له همغږۍ پرته مظاهرې به غیرقانوني وګڼل شي او ترسره کوونکو سره به قانوني چلند کېږي.

د تيرې یک شنبې په ورځ ملي امنيت په کابل کې قومندان علي پور په غیر مسووله سله والو درلودلو، د خلکو څخه په باج اخيستو او ولسي خلکو په زورونه او وژنه تورن دی ونيوه خو په کابل او ځينو ولايتونو کې د هغه د پلويانو له لوري مظاهرې وشوې چې په ترڅ کې يې نږدې پنځوس پوليس ټپيان شول او په کابل ښار کې د پوليسو اته پوستې وسوځول شوې.

قومندان علي پور له حکومت سره تر يوې هوکړې وروسته تيره شپه بيرته له بنده خوشې شو.

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close