ګډوځواکونو په کاپیسا او غزني ۱۳ تنه ولسي کسان شهیدان کړي

(کابل ټکی کام ۱۳۹۷ لیندۍ ۵)

د افغان او امریکایي ځواکونو له خوا پر ولسي کسانو د ناتاره بریدونو په لړ کې دا ځل په کاپیسا او غزني ولایتونو کې هم ولسي خلک په نښه شوي .

خبرونه وایي، تیره ورځ د کاپیسا ولایت د تګاب ولسوالۍ اړوند د ‘نوروزخیلو‘ په سیمه کې ګډوځواکونو پر ولسي میشت ځایونو بمبارۍ کړې .
سیمیزې سرچینې وایي چې، دغه بریدونه د بې پیلوټه الوتکې په مټ ترسره شوي چې په کې ۳ تنه ماشومان او دوه سپینږیري په شهادت رسیدلي او ګڼ کورونه تخریب شوي دي.
په یوه بل خبر کې ویل شوي چې امریکایي ځواکونو تیره ورځ د غزني په اندړو ولسوالۍ کې هم د ولسي خلکو پر کورونو بمبار کړی دی.
وروستي راپورونه وایي چې په دې بمبارۍ کې ۷ تنه د سیمې عام وګړي شهیدان شوي او د ولسوالۍ اړوند د رحیم خیلو، یاروخیلو او کوټه سنګي په نامه سیمو کې ګڼ شمیر خلکو ته مالي زیانونه اوښتي دي.
افغان حکومت د تیر په څیر بیا هم د دې بریدونو په تړاو خپله چوپتیا نه ده ماته کړې.

طالبانو دواړه بریدونه بشر ضده جنایت بللی او غندلی یې دی

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close