یوسف احمدي: د هلمند په سرتيري بريدکې ۱۳ پوليس وژل شوي او ۱۹ ټپيان دي

(کابل ټکی کام ۱۳۹۵ مرغومی ۶) الماس خدرخیل

طالبانو کابل ټکی کام ته په يوه رالېږلې خبرپاڼه کې ويلي، چې د دوی په نني سرتيري بريد کې ۳۲ تنه پوليس وژل شوي دي.

سرتيری بريد د هلمندولایت مرکز لښکرګاہ ښارمربوط دشیشک په سیمه کې ترسره شو.
د طالبانو وياند قاري يوسف احمدي ادعا کړې، چې په نوموړي بريد کې يې ۱۳ تنه پوليس وژلي او د قومندان عطاءالله په شمول ۱۹ تنه نور سخت ټپيان شول.
په خبرپاڼه کې راغلي چې بريد د حافظ عبدالظاهر نوزادي له لوري د هلمند د امنيه قومندانۍ د امنيت د امر په موټريز کاروان ترسره شوی دی.
نن له غرمې مخکې د هلمند د والي ویاند عمرځواک رسنيو ته وويل، چې ددې ولایت د امنیت امر د پولیسو او اردو ځواکونو سره یو ځای نهرسراج ولسوالۍ ته د عملیاتو په موخه روان و، چې د لښکرګاه ښار لومړۍ دروازې سره نږدې پرې سرتیری موټر بم برید وشو.
خو نوموړي صرف د يو تن پوليس د وژل کېدو او درې تنو د ټپي کېدو خبر ورکړی و.
بايد وويل شي، چې د وسلوالو طالبانو او امنيتي ځواکونو ته وخت ناوخت ځاني تلفات اوړي چې دواړه خواوې خپل تلفات کم ښيي.

ټېګونه

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close