غلامي له حده واوښتله!

عمر عمري

له بده مرغه، غلامي له حده واوښتله
مطلق کافر ته سرټيټي له حده واوښتله

د څو غلامو، تالي څټو، بې ضمیره خلکو
په اشغالګرو همدردي له حده واوښتله

لدې نه بله بد مرغي به نوره څه وي وايه!؟
چې تش په نوم مسلماني له حده واوښتله

د خپل مؤمن ورور په وژنه کې له کُفر سره
مرسته کول او همکاري له حده واوښتله

په څو ډالرو کوي دوئ د خپل ایمان پلورَنه
دلته کې دومره بې ديني له حده واوښتله

(عمري) ياره د پښتو او د آدب له پُلې!
د ځینو ډېرو شاعري له حده واوښتله

 

اړوند مطالب

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close