(کابل ټکی کام ۱۳۹۶تله ۵): د راپورونو له مخې، په مکسيکو کې د نشه يي توکو قاچاقبرانو د روږدو کسانو په يوه روغتون وسله وال بريد کړی، چې په ترڅ کې يې ۲۲ کسانو ته مرګ ژوبله اړولې ده.
راپور زياتوي، دغه پېښه د مکسيکو د شيهوا ښار کې رامنځته شوې او په خبر کې راغلي چې د قاچاقبرانو ۲۵ کسيزې ډلې د روږدو کسانو په یوه مرکز وسله وال بريد وکړ، چې څوارلس تنه يې ووژل او اته تنه نور ټپيان شول.
ويل کېږي، په بريد کې وژل شوي ډيری کسان د روغتون کارکوونکي او ناروغان دي.