غزل
جانان_خدرخېل
وطن د بلې بلا خولې ته درنه لاړ نشي
ستړی ولس چې بیا جګړې ته درنه لاړ نشي
په شریعت باندې طبیت درنه غالب نشي
د عقیدې خلک عُقدې ته درنه لاړ نشي
موږ یې منو چې نازولی دی خو خیال کوه
یار دې بې عقل دی کچې ته درنه لاړ نشي
د رڼا لوري ته ورتلل د هر چا خپل کار دی
ستا مسئولیت دی چې تیارې ته درنه لاړ نشي
که د نظام او قربانیو تحفظ غواړې
یاران دې تېرې زمانې ته درنه لاړ نشي
ګوره “جانان” دې ستا د مینې ګنهکار ښۀ دی
پام پرې کوه چرته توبې ته درنه لاړ نشي