راپورتاژ: عاصم
د راپورونو له مخې، له دوه ورځو راپدېخوا د هېواد په یخو سیمو کې واورې، او میداني سیمو کې بیا بارانونه پیل شوي دي.
د دغو واورو او بارانونو له کبله د هېواد د شمالي ولایتونو نښلونکی تونل(سالنګ) د بار وړونکو موټرونو پرمخ تړل شوی دی.
د پلازمینې کابل په یو شمیر ولسوالیو لکه خاک جبار، پغمان او شکردرې په ځینو سیمو کې هم واوره وریدلې.
د پکتیا په تیرې کنډو کې او له ځینو نورو یخو سیمو کې هم د واورو ورېدو راپورونه ورکړل شوي او موټر چلوونکو ته د احتیاط سپارښتنه شوې.
بلخوا د هوا پېژندنې ادارې مختلفو ولایتونو کې د روانو ورښتونو له امله د سیلابونو راوتو خبرداری هم ورکړی دی.
یادې ادارې د یوې خبرپاڼې په خپرولو سره په راتلونکو ۲۴ ساعتونو کې د هېواد په بېلابېلو سیمو کې د ورښتونو دوام وړاندوینه کړې.
اعلامیه کې راغلي، چې په ځینې سیمو کې به د واروې او باران کچه تر ۲۰ ملي مترو پورې وي او په خلکو یې غږ کړی چې د ځان او مال ساتنې په باب دې محتاط اووسي.
د یادونې وړ ده چې تېر کال هم په همدغه لړم میاشت کې د ژمي لومړۍ واوره او بارانونه پیل شوي وو.
