کابل ټکی کام (دوشنبه، ۱۰ لیندۍ، ۱۳۹۹ل)
له لغمان ولایت څخه ورکړل شوي راپورونه وايي چې د مرکز ” مهترلام ” اړوند سیمه کې د دولتي ځواکونو توپچي بريد کې ۶تنه ملکي وګړو ته مرګ ژوبله اوښتې.
سیمه ییزو سرچینو رسنیو ته ویلي، چې د مهترلام ښار اړوند ” بسرام او بدیع اباد ” سیمو کې دولتي ځواکونو د ملکي وګړو پر کورونو د توپچي بریدونه کړي چې په پایله کې یې د یوې میرمنې په ګډون څلور تنه وژل شوي او دوه نور ټپیان دي.
که څه هم د لغمان ځايي چارواکو تر دې دمه د پېښې په تړاو څه نه دي ويلي، خو په دې وروستیو کې د دولتي عسکرو له لوري په ملکي اهدافو بمبارۍ او توپچي بریدونه زیات شوي او نږدې هره ورځ په دغسې بريدونو کې ګڼو ملکي کسانو ته مرګ ژوبله اوړي.
