کامران افغان
فکري يرغل ځپلي په فکري رنځ خسته پراته دي
د پرديو د موډ، فيشن، کلتور په تلوسه پراته دي
د غرب له لمره رڼا اخلي، غرب پسې ځانونه تړي
داځينې د حماقت ګرداب کې ډوب نشه پراته دي
ډيرو يې په منلو کې لاسونه دې غوږو ته وړي
ډير لا د ديموکراسۍ بت ته په سجده پراته دي
دغرب تقليد په دواړو سترګو ړانده کړي دي ټول
کعبې ته ځي د ترکستان د لار پر کناره پراته دي
د بې دينۍ تخم کري د ديندارۍ پر سپينه چينه
داد شيطان مريدان دلته په غلطه اراده پراته دي
د خنجر سره تېره قلم هم ګرځوه “کامــــرانه”
داخلک د خنجر نه، د قلم په زور چپه پراته دي
