کابل ټکی کام (چهارشنبه، ۲۴مرغومی، ۱۳۹۹ل)
د ایران ولسمشر حسن روحاني له تسنیم خبري اژانس سره په یوې ځانګړې مرکې کې ویلي، چې د ټرمپ راپرځول له ایران څخه د پخواني پاچا محمد رضا شاه پهلوي تیښتې ته ورته دي.
روحاني ویلي سږ کال د ایران د پخواني پاچا د تېښتې کلیزه په داسې حال کې لمانځي چې په امریکا کې هم ورته پېښه تکراریږي او نړۍ دوښمنه ټرمپ د تيښتې لار ګوري.
روحاني ویلي، چې له سپینې ماڼۍ د ډونالډ ټرمپ په ذلت وتل دا په ډاګه کوي چې د توکمپالنې او ځورونې په پالیسو د ولاړو حکومتونو پای به خراب وي.
بايد وويل شي چې واک ته تر رسېدو وروسته ډونالډ ټرمپ ايران سره د شپږو هيوادونو له لوري شوي ايټمي تړون څخه ووت او تر هغه وروسته د ايران او امريکا ترمنځ اړيکې سختې ترينګلې شوې.
