یو امریکايي ډاکټر په کروناوایروس اخته کس ایکسرې انځور خپور کړی، په دغه خپور شوي عکس کې د کرونا څخه متاثره شوي سږي لیدل کیږي.
د میرر ورځپاڼې د راپور سره سم د ټکساس ایالت د پوهنتون معاومن پروفیسور بریټاني بینک داسې یو انځور خپور کړی چې په داخل کې درې ډوله سږي لیدل کیږي چې یو د سالم انسان بل د سګریټو څښونکی او دریم په کرونا وایروس اخته کس دي.
بریټاني وايي، د سګریټ څښونکي او کرونا وایروس اخته کس تر منځ د سږو توپیر واضح ښکاري، هغه وايي، کرونا وایروس زموږ سږي تباه کوي، لومړی په دغو سږو حمله کوي بیا د وینې وړې ټوټې پکې راټولیږي چې زموږ ساه اخیستل پکې ستونزمن کیږي.
د ټیکساس ایالت ډاکټرانو دا ایکسرې خطرناکه وبلله او له خپلو ښاریانو يې غوښتي چې کرونا جدي ونیسي او احتیاطي تدابیر خپل کړي هغوۍ له هغه کسانو چې د کرونا وایروس اخته شوي وه وغوښتل چې معافیتي سیسټم پیاوړي کړي تر څو سږي بیرته فعاله شي.
