کابل ټکی کام (یکشنبه، ۲۸مرغومی، ۱۳۹۹ل)
د کابل حکومت د عسکرو له لوري په ملکي وګړو د بریدونو لړۍ دوام لري، دا ځل یې د بغلان ولایت په مرکز پخلمري کې یو ملکي کس د خپل کور ترمخ په ډزو وژلی.
سیمه ییزو سرچینو رسنیو ته ویلي، چې د کابل حکومت عسکرو تېره ورځ د پلخمري ولسوالۍ د ډنډ شهاب الدین په عمرخیلو سیمه کې د غلام اکا په نوم یو ملکي کس باندې د خپل کور ترمخ ډزې کړي او وژلی یې دي.
که څه هم د بغلان ولایت ځايي چارواکو تر دې دمه د پېښې په تړاو څه نه دي ويلي، خو په دې وروستیو کې د دولتي عسکرو له لوري په ملکي اهدافو بمبارۍ، چاپې او توپچي بریدونه زیات شوي او نږدې هره ورځ په دغسې بريدونو کې ګڼو ملکي کسانو ته مرګ ژوبله اوړي.
