کابل ټکی کام (دوشنبه، ۲۹ مرغومی، ۱۳۹۹ل)
د راپورونو له مخې روسیه کې د حکومت مخالف سياستوال”الیکسي ناولني” نيول کېدو پراخ غبرګونونه راپارولي.
ناولني چې د ولسمشر پوتین د حکومت سرسخت مخالف دی، څه موده وړاندې د نامعلومو کسانو لخوا مسموم کړل شوی و، بیا د درملنې په موخه جرمني ته تللی و خو تېره ورځ مسکو ته له رسېدو وروسته د پولیسو له لوري ونیول شو او دا مهال د پولیسو په بند کې دی.
ناولني مسکو ته له روانېدو مخکې د یوې لنډې ویډیو له لارې ولسمشر پوتین ته په خطاب کې ویلي و چې له زندان نه ویریږي او غواړي په هر حالت کې له خپلو خلکو سره پاتې شي.
د نوموړي نيول کېدو نړیوال غبرګونونه پارولي د امریکا منتخب ولسمشر جوبایډن د الیکسي ناولني نیول ظالمانه اقدام بللی او له ولسمشر پوتین یې غوښتي چې ژر تر ژره دې له زندان څه خوشې کړي، جرمنې، فرانسې او شمېر نورو هیوادونو هم د نوموړي نیول کېدل غندلي دي.
