کابل ټکی کام (سه شنبه، ۳۰ مرغومی، ۱۳۹۹ل)
د جانز هاپکنز پوهنتون د معلوماتو له مخې امريکا کې د کرونا وبا له امله د مړو شمېر ۴۰۰ زرو څخه لوړ شوی او په دې وبا د اخته کسانو شمېره ۲۴ میلیونو ته رسېدلی دی.
یاد پوهنتون د یوې خبرپاڼې په خپرولو سره ویلي، چې په امریکا کې کرونا وبا په چټکۍ سره د خپریدو په حال کې ده او یوازې په کلیفورنیا ایالت کې د ټولو مثبتو پېښو شمېر له درې میلیونو څخه اوښتی دی.
د امریکا روغتیا وزارت نوې شمېرې بوږنونکې بللي او د کرونا وبا د نوې بڼې په اړه یې هم خبرداری ورکړی دی.
