په افغانستان کې له څلورو لسيز راهيسې تر يوه او بل نوم لاندې دافغان وژنې لپاره پردي يرغلګر راغوښتل کيږي او افغان پرې وژل کيږي، خاوره د افغانانو ده، خو واک يې اکثره وخت د پردو وي.
خو تر ټولو د تأسف وړ دا چې دغه پرديو دومره پرديپال روزلي چې اوس يې له افغانانو د کنټرول لاره ورکه ده، اوس افغان ملت حيران دی چې پرديپال څنګه کنټرول کړي؟
اوس مهال ټوله نړۍ، افغان ملت او نوره سيمه په يوه خوله وايي چې د افغانستان ښکيل اړخونه دې د سولې په ژبه وغږېږي، د جګړې ژبه دې پرېږدي…
طالبانو هم د افغان ملت غږ ته لبيک ويلی او خپلې جګړې يې تر ډېره مهار کړي، خو برعکس د کابل ادارې وحشي چاروکو بيا په سوله اييز چاپېريال کې د جګړې ژبه کاروي، خلک ګواښي، تر يوه او بل نامه لاندې خلک وژني او ان تر دې چې د اعدامولو ګواښونه يې کوي.
تېره هفته سرور دانش، غني او نورو جګړه خوښو ويلي وو چې ګواکې راتلونکي پسرلي ته د طالبانو په خلاف د عملياتو لپاره پوه تياری لرو، چې دغه خباثت او خبرو ته نه نړيوالو کومه د انتقاد ګوته ونيوله او نه هم کوم بل چا. بلکې ټولو هغو سوله خوښو؟ چې له طالبانو به يې پر کابل اداره د رحم او کرم غوښتنه کوله، اوس چُپ دي او په دغه خرافاتو هيڅ نه وايي.
تېره ورځ بيا د کابل ادارې لومړي امنيتي مرستيا امرالله صالح غير مسؤولانه او وحشیانه څرګندونې وکړې او وې ويل چې طالب بنديان دې اعدام شي تر څو د ده په اصطلاح د کابل امنيت سم شي.
که څه هم امرالله صالح ته تر بل هر چا دا ښه معلومه ده چې طالبان له دار او اعدام څخه نه وېرېږي بلکې د همدې لپاره يې جهاد او مبارزه شروع کړې تر څو يا غازي او يا شهيد شي که هغه په هر څه باندې وي.
خو د نوموړي دغه څرګندونې بې له دې چې جګړه شدت ومومي، بل هيڅ معنی او مقصد نه لري.
خو اوس مهال په رسينو کې يوه ويډيو نشر شوې چې د وحشي او د افغانانو د قاتل دوستم وحشي څېره پکې ښکاري او په فارياب ولايت قرمقول ولسوالۍ باندې يې عمليات پيل کړي، زوی يې هم ورسره دی او د کابل ادراې ځواکونه هم ورسره دي، چې په ويډيو کلپ کې وايي: د افغانانو په کورونو لکه لېوان داسې ورشئ! دېوالونه يې سوري سوري کړئ! وحشت ورسره وکړئ! وې وژنئ! او مال يې لوټ کړئ!
چې دا په حقيقت کې د سولې په ضد يو پلان شوی کار دی، ځکه چې اوسمهال د افغانانو لپاره ټوله نړۍ د سولې نعرې وهي خو د کابل ادارې وحشي مشران بيا دغه ډول خبرې کوي چې دا د جګړې تېزولو ته د تېلو په څېر کار ورکوي.
په حقيقت کې دوی غواړي مرګ ژوبله زياته شي او د سولې کيسې او خبرې له خلکو هېرې شي، او د طالبانو غوسه راوپاروي تر څو افغانان څو کاله نور هم په ناورين کې وخت تېر کړي او د دوی ناروا واک پاتې شي.
خو په عين حال کې چې دامريکايي ځواکونو د مکملې انخلاء وخت هم رانږدې شوی، نو داسې ښکاري چې دا يو پلان شوی کار دی او امریکا په دې توګه دا ځل غواړي چې خپل حضور ته دوام ورکړي او حالات داسې عيار کړي چې دوی ته د پاتې کېدو زمينه مساعده شي.
نو ځکه يې خپلو ګوډاګيانو ته ښايي دا ځل د سولې په ضد د جګړې تېزولو پلان ورکړی وي…
خو امریکا دې په خلاصو غوږونو واوري چې د دوی له غوږونو ښايي د طالبانو د سرتېري بريدونو، موټربمونو، ځمکنيو ماينونو او نورو جګړو شور ورک شوی، غوږونه يې ارام شوي نو ځکه اوس دوی خپلو غلامانو ته دا ډول پلانونه ورکوي….
