کابل ټکی کام (چهارشنبه، ۱ سلواغه، ۱۳۹۹ل)
د سوریې د دولتي خبري اژانس د خبر له مخې ددغه هېواد په حمص ولایت کې د تيلو په یو چاڼځای کې ستره چاودنه شوې.
خبر زیاتوي چې له چاودنې وروسته پراخ اورلیګیدنه رامینځ ته شوې، حمص او تارتوس ښارونو څخه د اور وژنې ډلې ورسیدلي او هڅه کوي مهار یې کړي.
که څه هم تراوسه د سوریې حکومت د یادې چاودنې د لامل په اړه څه نه دي ویلي؛ خو تېره اونۍ هم په دغه هیواد کې د تیلو په چاڼځایونو د ډرون الوتکو لخوا بریدونه شوي و چې د سوریې د بشري حقونو د څار لندن میشتي سازمان یې اسرائیل مسؤل بللي وو.
