يا الله جل جلاله

ترتيب: نصير تکل
يوه کافر اروا پوه تر دريو کالو وروسته دا خبره ثابته کړه، چې د قرانکريم په ورو ورو لوستل او د (الله، الله) کلمه ډېره ويل د نفسي ناروغيو مخه نيسي، دا خبره يې تر هغې وروسته وکړه، چې په دريو کالو کې يې ګڼ شمېر ناروغان وکتل او تجربې يې پرې وکړې، د هغوى په منځ کې داسې کافر ناروغان هم وو، چې په عربي ژبه به نه پوهېدل او خبرې به يې نشوې ورباندې کولى؛ خو د ډېر غم او درد پر مهال به يې له خولې څخه (الله) کلمه په ښکاره توګه راوتله او دا يې هم په خپلو علمي څېړنو سره څرګنده کړه، چې تر ټولو آسان علاج د هغو کسانو لپاره چې په روحي ناروغيو باندې اخته وي او له سختو حالاتو او ناهيلۍ څخه ځوريږي، دا دى چې د تل لپاره په آرامه او صحيح توګه د قرانکريم کريم حروف او توري پوره اداء کړي؛ ځکه د حروفو په کراره توګه اداء کول د سينې په بره برخه کې د تنفس نظام په طبعي توګه برابروي او په تکرار سره تلاوت او د الله تعالى ذکر د باطني خوشحالۍ لامل ګرځي او د تنفس نظام سموي.
أَلَا بِذِكْرِ اللَّهِ تَطْمَئِنُّ الْقُلُوبُ
خبردار اوسئ! همدغه د الله ياد هغه شى دى چي زړونو ته ډاډ ورپه برخه کوي.
مأخذ: مه نا اميده کيږه!