کابل ټکی کام (دوشنبه، ۴ کب، ۱۳۹۹ل)
د راپورونو له مخې د هرات ولایت په ادرسکن ولسوالۍ کې یوې چاودنې څلور پولیس وژلي.
د ادرسکن ولسوالۍ ولسوال “عبدالعلي فقیریار” رسنیو ته ویلي، چې دغه پېښه هغه مهال رامنځته شوه، کله چې په سیمه کې د بادګیرک په نوم یوې پوستې ته څیرمه درول شوي موټرسایکل کې ځای پر ځای شوو چاودیدونکو موادو انفجار وکړ.
د نوموړي په خبره ناڅرګندو وسلوالو چاودېدونکي مواد په موټرسایکل کې ځای پرځای کړي و او بیا یې د ریموټ په واسطه چاودنه ورکړې ده.
بايد وويل شي چې طالبانو تراوسه د یادې چاودنې په اړه څه نه دي ویلي.
