کابل ټکی کام (سه شنبه، ۱۲ کب، ۱۴۰۴ل)
د رويټرز خبري اژانس د راپور له مخې، چې د امریکا متحده ایالاتو له خپلو اتباعو غوښتي چې د امنیتي اندېښنو له امله له لسو څخه زیاتو هېوادونو څخه ووځي.
په دغو هېوادونو کې د اسراییلو ځینې سیمې او د غزې تړانګه، ایران، متحده عربي امارات، سعودي عربستان، بحرین، کویټ، عراق، اردن، مصر، لبنان، عمان، قطر، سوریه او یمن شامل دي. یاد وزارت خپلو وګړو ته سپارښتنه کړې چې د وتلو لپاره دې له ملکي الوتنو استفاده وکړي.
دا غوښتنه په داسې مهال شوې چې په منځني ختیځ کې امنیتي وضعیت ترینګلی شوی او د راپورونو له مخې، ایران د امریکا او اسراییلو له ګډو بریدونو وروسته د سیمې ځینې امریکايي اډې په نښه کړې دي.
واشنګټن تر اوسه د احتمالي نورو اقداماتو په اړه څه نه دي ویلي، خو د سیمې کړکېچ د نړیوالو اندېښنې راپارولي دي.
