امریکا له بحرین څخه د خپلو وګړو د وتلو غوښتنه کړې؛ حزبالله پر اسراییلو ۳۰ توغندي توغولي
کابل ټکی کام (چهارشنبه، ۱۳ کب، ۱۴۰۴ل)
د سیمې د امنیتي وضعیت له ترینګلتیا سره هممهاله، د امریکا سفارت په بحرین کې له خپلو اتباعو غوښتي چې ژر تر ژره دغه هېواد پرېږدي. همداراز د امریکا د بهرنیو چارو وزارت قبرس ته د سفر خبرداری لوړ کړی او ویلي یې دي چې د وسلهوالې شخړې د خطر او په سیمه کې د مرستو د محدودیت له امله دې امریکایي وګړي له احتیاطه کار واخلي.
په ورته وخت کې د اسراییلو ۱۲م ټلوېزیوني شبکې راپور ورکړی چې حزبالله تېره شپه د اسراییلو پر لور شاوخوا ۳۰ توغندي توغولي دي.
تر اوسه د دغو بریدونو او متقابلو اقداماتو د احتمالي تلفاتو په اړه رسمي شمېرې نه دي خپرې شوې.
