کابل ټکی کام (پنجشنبه، ۱۹ وری، ۱۴۰۰ل)
ديپلومات خپرونې د افغان سولې په تړاو یو مطلب کې ویلي چې د ټولو ښکېلو اړخونو تمرکز پر دې دی څو په ترکیه کې د سولې په برخه کې مهم پرمختګونه رامنځ ته شي.
د خپرونې په وینا، د ټولو افغانانو هیلې همدې مسئلې ته راټولې شوې تر څو روانې ناپایه جګړې ته یو سیاسي حل پیدا او دلته تلپاتې سولې ته لاره هواره شي.
مطلب لیکي، ټول داخلي او بهرني اړخونه په دې باور دي چې افغان جګړه یوازې د خبرو له لارې پایته رسېدلی شي نو له دې کبله د انقرې غونډې ته سترګې په لاره دي.
د مطلب لیکوال په نړیوالې ټولنې او ښکېلو هېوادونو غږ کړی چې په پوره صدق او معقولو لارو روانې جګړې ته د پای ټکی کېږدي او افغانستان د یوې دایمي سولې څښتن وګرځوي.
رسنیو د ترکیې غونډې احتمالي نېټه د اپرېل میاشتې ۱۶مه یاده کړې؛ خو لاهم مالومه نه ده چې غونډه به په دغه نیټه تر سره او که وځنډیږي.
