(درېمه برخه)
د ښځو د حقوقو غير اسلامي قانون
۱- لومړۍ ماده:
د ښځو د حقوقو د دغې جرګه ګۍ د قانون د جوړولو او د ښځو له نارينه وو سره د برابرۍ مطلب دا نه دی، چې په کومه خاصه دنده کې د هغوی نه برخمن کول له هغوی سره توپيري چلن ګڼلی شي بلکې مطلب يې دا دی چې ښځې له شخصي ازاديو محرومول او له هغوی سره توپيري چلن دغه قانون محکوموي.
۲- دويمه ماده:
دغه جرګه ګۍ د نړۍ د هغوی مملکتونو غندنه کوي، چې د دغه قانون خلاف دريځ خپلوي او له نارينه وو سره د ښځو د نا برابرۍ پلويان دي، دغه جرګه ګۍ له هغوی څخه غوښتنه کوي، چې له کوم ځنډ څخه پرته په هره طريقه چې شوني وي، له ښځو سره ګرد توپيري چلنونه پای ته ورسوي، او د دې کار لپاره به له جرګه ګۍ سره د دغو لاندې ضوابطو د منلو او په عملي ډګر کې د ګامونو اوچتولو ژمنه کوي.
الف: د نارينه وو او ښځو تر منځ د بشري برابري کولو تضمين به د خپل هېواد د ملکي قانون په ذريعه ورکوي او د دې کار لپاره به په خپلو قوانينو کې اړين تراميم کوي.
ب: له ښځو سره د نا برابرۍ ګرد قوانين ملغی ګرځول او د هغوی پر ځای نوي قوانين چې د دغې جرګه ګۍ له قانون سره اړخ لګوي، منځته راوړل.
ج: د قانون په ذريعه ښځو ته له نارينه وو سره برابر حقونه ورکول.
د: هيڅ داسې اقدام نه کول، چې هغه ښځو ته له نارينه وو سره د برابرو حقونو د نه ورکولو په اړوند وی او د دې خبرې ضمانت ورکول، چې دولتي پرسونل او ګرد حکومتي وسائل او ادارې به د دغې موخې د تر لاسه کولو لپاره استخداموي.
ه: که د کومې ادارې يا شخص يا تنظيم له پلوه له ښځو سره د نا برابرۍ چلن کولی شي، په خلاف يې لازمي اقدامات کول.
و: ګرد داسې قوانين، ظوابط او دودونه ختمول، يا په هغو کې ترميم کول چې له ښځو سره د مساوي چلن کولو په خلاف وي.
ز: ګرد داسې تعزيرات او سزاګانې ختمول، چې له نارينه وو سره د توپير کولو پر اساس جوړ کړای شوي وي.
۳- درېيمه ماده:
ملګري مملکتونه دې په اجتماعي، اقتصادي او سياسي سکتورونو کې ښځو ته له نارينه وو سره د مساوي حقوقو ورکولو ضروري اقدامات وکړي.
۴- څلورمه ماده:
الف: که د حکومتونو له پلوه په عارضي توګه داسې اقدامات وکړی شي، چې په راتلونکي کې د حقيقي برابرۍ لپاره زمينه برابره کړی شي، د توپيري په زمره کې داسې اقدامات نه ګڼل کېږي، ځکه چې د حالاتو د مساعدت په توګه صورت کې به دغه ډول اقدامات پای ته رسولای شي.
ب: موجوده صلاحيت لرونکې جرګه ګۍ دې په اتفاق سره د داسې اقداماتو منظوري ورکړي، چې د زچه ښځو د حالاتو د غوره والي لپاره دې په توپيري چلن کې ونه شمېرلی شي.
۵- پنځمه ماده:
الف: د ښځو د حقوقو د جرګه ګۍ پلوي مملکتونه دې داسې اقدامات وکړي، چې موخه يې د داسې قوانينو، دودونو او تعصباتو پای ته رسول وي، چې نارينه يا ښځه د جنس د اختلاف په وجه يو له بل څخه ټيټ او يا غوره ګڼي.
ب: په کورني نظام کې دا شعور باوري کول، چې زچه ګی یو اجتماعي عمل دی او دا چې د اولاد روزنه د مېړه او مېرمن دواړو برابره ذمه واري ده، او دا چې د اولاد ښېګڼه د دواړو له پاره له بل هر څه څخه زيات ارزښت لرونکی دی.
۶- شپږمه ماده:
ګرد ملګري ملتونه دې د داسې قوانينو د جوړولو اقدامات وکړي، چې د هغوی په ذريعه د ښځو پلورل او پيرودل او زبېښاک پای ته ورسولای شي.
۷- اوومه ماده:
ګرد هېوادونه دې په سياسي او سرکاري ډګرونو کې د ښځو د مساوي حقونو د چمتو کولو ضمانت ورکړي، چې په لاندې بندونو کې ذکر کولای شي.
الف: په هر ډول ټاکنو او ريفارنډم (ټول پوښتنه) کې ښځو ته د رايې ورکولو حق.
ب: په حکومتي پاليسي جوړولو کې د ښځو د ګډون کولو حق، او د سرکاري منصبونو د تر لاسه کولو او په ګردو سرکاري چارو کې د مساوي ګډون کولو حق.
ج: په داسې غير سرکاري مؤسسو او تنظيمونو کې چې په سياسي او دولتي ډګرونو کې متحرک وی، د ګډون کولو حق.
… نور بیا
