جوزجان: د خواجه دوکوه د امنيه قومندانۍ مرستيال وژل شوی
(کابل ټکی کام ۱۳۹۵تله ۱۹) الماس خدرخېل
د جوزجان ولايت د خواجه دوکوه ولسوالۍ يوې امنيتي سرچينې ویلي، چې د يادې ولسوالۍ په نظراباد سيمه کې د وسله والو طالبانو په يو بريد کې د امنيه قومندانۍ مرستيال په ګډون ۲ تنه پوليس وژل شوي دي.
د پېښې مسؤوليت وسلوالو طالبانو په غاړه اخيستی او رسنيو ته يې په يوه لېږلې خبرپاڼه کې ويلي، چې د دوی وسلوالو نن سهار ۱۰ بجې د يادې ولسوالۍ په نظراباد سيمه کې د مرستيال قومندان کامل په موټر بريد کړی.
په بريد کې د قومندان په ګډون يو پوليس وژل شوی او رينجر موټر يې په مکمله توګه ويجاړ شوی دی.
تر دې دمه د برید په اړه حکومتي چارواکو رسنيو ته په رسمي توګه څه نه دي ويلي.
