(کابل ټکی کام ۱۳۹۷ وری ۸ فرید افغان)
په داسې حال کې چې نړیوالې ټولنې په افغانستان کې د جګړو یو عامل د مخدره توکو د کرکیلې او د هغوی د پیر او پلور لمنځه وړل ښودلي، اوس عملاً حکومت ویلي چې تر دې وروسته به نیول شوي مخدره توکي د سوځولو پرځای خرڅلاو ته وړاندې کوي.
که څه هم په غیر سمي توګه امریکایانو او افغان حکومت تر اوسه پورې د دې توکه پیر او پلور تر سره کاو ،خو تازه د نشیي توکو سره د مبارزې عدلي مرکز ویلي چې دولتي بنسټونه تر دې وروسته کولی شي رسماً د دې توکو پلور ترسره کړي.
د یاد مرکز ویاند احمد خالد موحد بي بي سي ته ویلي چې، دمخدره توکو د نوي قانون د ۱۹ مادې ترمخه هر هغه هیواد چې د مخدره توکو د پیر او پلور پابندي نه لري افغان حکومت کولی شي نیول شوي مخدره توکي ورباندې وپلوري چې په خبره یې تر اوسه دا قانون یواځې تریاکو ته جواز ورکوي.
د ایران، ترکیې، هند په ګډون ۵ هیوادونه داسې دي چې د مخدره توکو په پیر او پلور کوم ځانګړی بندیز نه لري.
د دې مرکز په وینا؛ تر دې وروسته به ګډځواکونه له افغان دهقانانو مخدره توکي نیسي او په نړیوالو بازارونو کې به یې پلوري.
موحد وایي په تیر ۱۳۹۶ کال کې یې ۱۸۹۱ کیلو هیرویین، ۱۰۶۰۰ کیلو مورفین ، ۲،۴ ټنه تاریاک او شاوخوا ۲۵ ټنه الکولي مشروبات کشف کړي دي.
د یاد مرکز چارواکي زیاتوي چې سږکال په افغانستان کې د مخدره توکو کښت ۸۷ سلنه زیات شوی و.
دوی وایي ؛ له دې لارې ترلاسه شوې پیسې به د دولت بودیجې ته ځي.
باید وویل شي چې افغان دولت او بهرنیان پرطالبانو تور پورې کوي چې د مخدره توکوڅخه ترلاسه شوې پیسې په خپلو تجهیزاتو لګوي خو اوس به دولت د کوکنارو او نورو مخدره توکو د رسیدو پرمهال حاصلات له کروندګرو څخه نیسي او ټولې پیسې به یې د دولت بودیجې ته ځي او دهقانان به د مالي تاوان سربیره په اوږدمهالي بند هم تحدیدیږي
