کابل ټکی کام ( یکشنبه، ۲۹ غوايي ، ۱۳۹۸ل)
د پاکستان د پوځ مشر جنرال قمر جاوید باجوه ویلي، پاکستان د افغانستان د روغې جوړې د پروسې د بریالي کېدو او د سیمې د سولې په برخه کې مثبت رول ادا کړی او لاهم هڅه کوي چې په دې قضیه کې خپل رول ادا کړي.
هغه په شمالي وزیرستان کې خبریالانو ته دغه راز ویلي، پاکستان به د خپل امنیت او ځینې شکایتونو له امله پر ډیورنډ کرښه اغزن تار ولګوي. باجوه وروسته تر هغه د یادې سیمې سفر کوي چې د روانې میاشتې په لومړۍ نېټه پوځ ویلي وو چې د افغانستان له لورې د اغزن تار پر لګوونکو کسانو او پوځیانو باندې برید شوی او درې پاکستاني پوځیان یې وژلي دي.
نوموړی په داسې حال کې دغې سیمې ته راځي چې د ډيورنډ فرضي کرښې دواړو غاړو ته مېشت پښتانه د پاکستاني پوځ دې کار ته اجازه نه ورکوي او په وار وار یې دا سیم بېرته ټول کړی او ایستل شوې کندې یې هم ډکې کړې دي.
امریکا هم په وار وار دافغان سولې په تړاو له پاکستان مننه کړې، خو دکډحکومت مشران بیا دپاکستان په کوششونو شک لري، اوپاکستان دطالبانو په ملاتړ تورنوي، خوپاکستان په بار بار دا تورونه رد کړي، اودا یې دګډ حکومت ، اوامریکا شکست ته د رنګ ورکولو په معنا بللي.
