کابل ټکى کام (سه شنبه، ۲۹ سلواغه ، ١٣٩٨ل)
د ولسمشریزو ټاکنو پایلو له اعلان څو ساعته وروسته عبد الله عبدالله د خپلو پلویانو غونډې ته وویل، درې سوه زره رایې چې دده ټاکن ډلې بې اعتباره ګڼلې وې، بې اعتباره دي او د ټاکنو کمیسیون له خوا اعلان شوې پایلې نه مني.
ښاغلي عبدالله عبد الله د ټاکنیزو کمېسیونونو هغه غړي چې د ده د ادعا له مخې پيسې یې اخیستې او یا بله تمه ورکړل شوې وه؛ ملي خاینین وبلل.
عبدالله عبد الله وویل د ثبات او همپالنې ټاکن ډله ګټونکې ده، نو ځکه خپله بریا اعلانوي او ټول شموله حکومت جوړوي.
خو اشرف غني د ټاکنو د پایلو له اعلان وروسته په یوه وینا کې په تېرو ولسمشریزو ټاکنو کې بریا د ولس وبلله، له ټولو هغو کسانو یې مننه وکړه چې په ټآکنو کې یې برخه اخستې وه.
