ډاکټر یوسف اکبري
په پښتنو کې یو متل دی چې وایي: له فیلانو سره ټانټې مه ژویه!
مونږ په ډېری لیکنو کې غبي غني ته په وار وار نصیحت وکړ چې په خپلو بې واکو څرګندونو سره مزید مه ځان شرموه او مه دې تالي څټي پیروان، خو دا چې نوموړی د امریکا ډالرو دومره مست او نیشه کړی چې خپل حواس یې له لاسه ورکړي نه د خلکو وژل ورته دروند جنایت ښکاري، نه د یهودو او نصاراوو غلامۍ باندې یې غونی بوګنیږي او نه يې د عزت په تر پښو لاندې کیدا کومه پروا راځي او د عربي ژبې د متل په مصداق چې اذا فاتک الحیاء فافعل ما شئت یعنې چې کلي بې حیا شوې بیا دې چې څه زړه غواړي تر سره کوه یې!!
خو دا چې دغني ډېرې زیاتې نادودې د شرم وړ دي او بايد يو حقيقي مسلمان او بيا خصوصاً افغان پرې وشرمېږي، چې د هغو له جملې څخه يې په تېرو مياشتو کې د انس حقاني خوشې کېدل ؤ، امریکا او طالبانو پر امریکايي او استرليايي پوهنتوني استادانو باندې د تبادلې خبره اوکې کړې وه خو غني ويل چې د انس حقاني خوشې کېدل ورته سره کرښه ده، او په هيڅ صورت به انس حقاني خوشې نه کړي، بلکې هغه وخت به انس حقاني خوشې کوي کله چې طالبان د دوی اساسي قانون ومني او د دوی غوښتنې ومني.
خو د امريکا د بهرنيو چارو وزير مايک پمپيو د غني هغه سره کرښه هم په زېړه کرښه بدله کړه او دا دی انس حقاني اوس په قطر دفتر کې ان تر دې چې د قطر دفتر په تاریخي تړون کې يې هم ګډون وکړ. خو غني د دې پر ځای چې شرم وکړي او له نورو سرو کرښو کشولو څخه ډډه وکړي، لا هم سرې کرښې کاږي او نور موضوعات هم د سرو کرښو په توګه اعلانوي.
په کراتو د غني ډیری کرښې د پمپیو په یوه ټلیفون کولو سره پمپ او ماتې شوې چې باید غني پرې د خجالت احساس وکړي خو برعکس د خجالت په نوم خو څه نه پېژني، ګورو چې بله قضیه یو ځل بیا د سرې کرښې په توګه اعلانوي.
ومو لیدل چې په دې وروستیو کې پر تیرو ماتو شویو سرو کرښو سربیره د 5000 طالب بندیانو د خوشې کولو پر وړاندې ماشومانه ضد پیل کړ او په مکرر ډول یې په سترو غونډو کې وویل چې د بندیانو خوشې کول د ده په وینا د افغانستان د حکومت صلاحیت دی نه د امریکا!!!
د غني ډیری تالي څټو چاپلوسانو هم د رسنیو له لارې په ټینګه وویل چې وبه ګورو چې امریکا څنګه دا بندیان خوشې کوي
خو ومو لیدل چې د سولی تر لاسلیک سملاسی وروسته د بندیانو د خوشې کیدا تابیا لړۍ پیل شوه او د بندیانو بایمترک پروسه پیل شوه
طالبانو له ډیر پخوا په کراتو مراو ویل چی غنی سره ځکه خبری او مذاکرات نه کوو چی خپلواک نه دی خو د ډیری خلکو اذهانو دا خبره نه اخیسته
باوري یم چی اوس به یی قناعت حاصل شوی وي پرته له هغو منافقینو چی په اړه یی الله ج فرمایلی دی چی و یکتمون الحق وهم یعلمون
یعنی حقیقت وینی خو پټوي یې
اوس چی پمپیو یو ځل بیا غنی ته سترګی برګی کړی ومو لیدل چې له ځنډ پرته یې خپله دا سره کرښه هم ماته کړه او د بندیانو د خوشی کولو په اصطلاح فرمان یی صادر کړ !!!؟
شرم هم اخر حد لري.
