ډاکټر یوسف اکبري
د پښتو متل دی وایي مار چیچلی له پړي هم ویره لري او یوه کیسه ده چې یوه ډارن کوچي چیغی کړې چې وه خلکو دغلته نږدې شل لیوان دي خلکو ورته کړه چې څه پوه چې شل دي؟ هغه ویل که شل نه وي پنځلس خو دي خلکو هاخوا دیخوا څارنه وکړه یو لیوه یی هم پیدا نکړ کوچی ته یی ویل چی ته هسی ویریږې لیوان نشته هغه ویل خیر نو لس خو ضرور شته خلکو ورته ویل چې کوم دي نو؟ هغه ویل د دې مخامخ بوټو تر شا حتما شته او که لس نه وی نو پنځه هو حتما شته خلکو بوټي هم وکتل هیڅ هم نه و خلک بیا ورغلل چې ته هسې ویرې اخیستی یی لیوان کوم دی؟ هغه ویل یو لیوه خو به وی؟ خلکو ورته بیا وویل چې هیڅ هم نشته کوچي ویل خیر نو بیا دا بوټې ولې ښوځیدل؟؟؟
اوس د غني لاسپوڅې اداره هم عین ویرې اخیستې نړیوال ورته وایي چو موافقه شوې او بند په بند به عملي کیږي د اور کم پسې اوس د بندیانو د خوشې کولو نوبت دی بندیان زر پریږده خو غني وایي چې که یی خوشې کړم نو دوی بیا ځلې جګړې ته ننوځي!! او طالبان به د دې ضمانت راکوي چې دا بندیان به بیا جګړې ته نه ځي! نړیوال ورته وایي د بندبانو د خوشی کیدا په تعقیب بین الافغانی مذاکرات پیلیږي نو جګړې ته نور اړتیا نه لیدل کیږی دا بندیان خوشي کړه او دا ایران نه ګورې چې د کورونا له ویرې یې اویا زره بندیان خوشي کړل؟؟؟
خو دوی ته که هر ډول ډاډ ورکړل شي بیا یې هم زړونه آرام نه مومي او له بندیانو ویره لري او هغه د خدای تعالی د قول په مصداق چی و قذف في قلوبهم الرعب ذلک بانهم قوم لایعقلون()او بل دا چې بأسهم بینهم شدید و قلوبهم شتی
اوس د غني ډارنه اداره له طالب بندیانو څخه تر حنګیدونو طالبانو زیاته ویره لري دا دالله تعالی هغه ستره لورینه ده چې خدای تعالی طالب بندیانو ته ورکړې ده چې په سترو حصینو قلعه ګانو کې او په زولنو کې له غرابي کوټه قلفی تړل شویو پرتو بندیانو څخه دومره ویره لري او دوی ته هغه خطرناک زمریان متصور کیږی چې ګوندې په خوشې کیدا سره به په دې اداره کې راټول شوي ګیدړان تالا ترغه کړي فاعتبروا یا اولي الابصار
او ستر مجاهد خالص بابا هم د نن دیرش کاله مخکې د حق او باطل تر مینځ دغه حال په ښه ډول درک کړی او په خپل تاریخي شعر کې یې په خورا عجیب انداز سره منعکس کړی او وایي چې:
مه خانده ظالمه کړپهار د زولنو ته مې
ګوره نتیجه کې اخر کار د زولنو ته مې
تاته غرابي،کوټه قلفي ،مظلوم بندي ښکارم
ناڅي د جنت حوري سینګار د زولنو ته مې
انس او جن لا څه چې پورته پورته اسمانوکې هم
غوږ ملایکان نیسې شرنګار د زولنو ته مې
خدای چې راته وایې څه دې راوړه، ورته وایم به
دا په پښو کې وګوره پرهار د زولنو ته مې
ستا د ژوندانه ددایری محیط که پام وکړي
نن سبا اړ شوی دی پرکار د زولنو ته مې
مړ به شې راپرې به وځې او ملا به دې درماته کړي
دا قدرت ورکړی رب ګوزار د زولنو ته مې
خیز کړه (نبی خیله) په مورچل باندې ورودانګه
ژر کړه ملتفت ظالم پیکار د زولنو ته مې
