دا حقيقت اوس د هر انسان زهن ته رسيدلی دی، مسلمانان او کافران په دې واقعيت قائله دي، چې غرب د اسلام سره د ډيري ژوري دښمنۍ برخورد کوي، او په هر څه کې يې داسلام سره دښمنانه چلند ته ووږه ورکړې ده، که څه هم دوی د ګلوبلايزشن(نړيوالتوب)، هوميونيزم(انسانيت) او داسي نور بې مانا اصطلاحات ايجاد کړي دي، خو بيا هم د اسلام سره د دې اصطلاحاتو له ټولو پولو اوړي، او اسلام ته په زيان رسولو کې يوه موکه له لاسه نه ورکوي، او نه اسلام په نړۍ کې د ارام ساه اخيستلو ته پريږدي، له همدې امله زموږ اسلامي مفکرينو دا اصطلاحات د غرب د دفاع کلاګاني او د مسلمانانو لپاره دامونه بللي دي.
غرب د اسلام د سرکوبه کولو لپاره ډول ډول حربې استعمال کړې دي، خو استعمار د غرب هغه حربه ده چې دوی يې څه نا څه د بري تر درشله رسولي دي، په دې حربه دوی ډير مسلمان ملتونه تر پښو لاندې کړي دي، د تل لپاره يې د خپلي غلامۍ پړي ور په غاړه کړي دي، ډير داسې ملتونه او قومونه شته، چې غرب يې له سيمو او وطنونو کډه کړي ده، خو د غرب مفکوره او نظريه يې لا لکه وينه په رګو کې جاري ده، لا يې د غرب پوچ عقايد پر زړه او دماغ طوافونه کوي، او لا د غرب مريتوب ته د غيرت، ميړاني، ازادۍ او استقلال نوم ورکوي.
غرب په اسلامي نړۍ کې د استعمار وروسته د خپلو پښو د ټينګښت او د اسلام د اصيلو بچيانو د ځپلو لپاره ډول ډول توطيې او شيطانتونه په کار واچول، چې په دې توګه په ډير مهارت سر د اسلام د اصيل معتدل ځواک د له منځه وړلو لپاره پراخه مقابله وکړه، دوی که له يوه اړخه پاخه مفرط ديموکراتان او سيکولران په کار اچولي وو، چې د غربي فکر د ترويج لپاره به يې په ډيره ايمانداري او وياړ خپله انرژي مصرفول، د بل اړخه يې ځينې داسې افراطي عناصر راپيدا کړل، چې داعيه او شعار کې به يې د واقعي اسلام چيغه پورته کول ، خو اصلا به يې د غرب د له لمره رڼا اخيسته، او د اشغال پر چينه خړوبيده، ځکه دوی به هم د اسلام په هغه بچيانو د کفر، فسق، ارتداد، او نفاق ټاپې سريښ کولې، څوک چې د غرب د اشغال او کفر په وړاندې د جهاد او مبارزې په تکل ولاړ وو، خو د غرب اشغال ته به يې يې په پراخه سينه زغامه، دا ټول هغه خلګ وو، چې د اصلي مسلمانانو دعوه يې کول، خو د پردې تر شا د غرب له لورې چارجېدل.
د غرب دا شيطانت په اسلامي نړۍ کې څو څو ځله تکرار شوی دی، خو نږدې مثال يې زموږ په ګاونډ کې د هند وړه وچه ده، کله چې هند د انګريزي ښکيلاک تر يرغل لاندې شو، نو د هند علماء حق رحمهم الله تعالی يې په وړاندې د جهاد او مبارزې اعلان وکړ، چې په سر کې يې د ديوبند استادان او منتظمين حضرات وو، انګريزانو د دوی د سرکوبه کولو لپاره د جګړې سربيره د بريلويت، وهابيت، پنجپيريت، او قادانيت په نوم داسې فتنې وپنځولې، چې دې فتنه ګرو ډلو لومړی په هغو ټولو علماء کرامو د کفر، ارتداد، او فسق ټاپې ولګولې، کوم علماء کرامو چې د انګريزانوا په وړاندې په مسلحانه او غير مسلحانه توګه په مبارزه او جهاد بوخت وو، خو د انګريزانو په وړاندې يې غوږونه مړه ځړولې وو، او د هغوی يرغل ته يې د جواز توجيهاتي لټولې.
نن چې زموږ د هيواد سياسي چاپيريال ته پام ورګرځوو، بعينيه همداسې وضعيت ښکارې، يوه لور ته د طالبانو په وړاندې د غرب له لورې روزل شوي مفرط ديموکراتان او سيکولران ولاړ دي، چې په ډير وياړ سره د غربي فکر د ترويج او ټينګښت کوښښونه کوي، او هره ګړی د اتلس کالو د ديموکراسۍ د لاسته راوړنو خبره تکراروي، او بل اړخ ته د داعش په نوم د غرب او امريکې کرايه شوي افراطيان وو، چې پر هغه طالب يې هم د کفر او ارتداد ټاپه لګولې ده، چا چې پيړۍ پيړۍ وروسته يو ځل بيا نړۍ ته د اسلام اصلي څيره ښکاره کړل کلونه کلونه يې د اسلام د ستر دښمن غرب د سره ښکيلاک سره ټټر وواهه په ملا يې غوټ مات کړ او د نړۍ استعمارګر قوتونه يې وپوهل، چې د اسلام په مټ کې لا دومره توان باقې دی، چې ستاسې د استعمار په پر مخ د بطلان کرښه راکش کړې، او يو ځل د مځکې پر مخ د يو قوت په توګه عرض اندام وکړي، د داعش په نوم دا لويي فتنې د ټاپو تر څنګ د طالبانو سره جګړ هم وکړه، او واجب القتل يې وګڼل، حال داچې اشغالګرو او د هغوی مرتزقه غلامانو ته يې په برګو سترګو هم نه دې کتلي خو الله جل جلاله د طالبانو ته پر داعشيزم بری وکړ او هغوی يې له شرمېدلي ماتي سره مخ کړ.
ټولو مسلمانان باور لري، چې غرب به له دې ټولو شيطانتونو سره_سره نهيلي کيږي، ځړيدلي غوږونه به زموږ له پاکي خاوري څخه وزي د افراطي داعشيزم غوندې به يې مفرط سيکولريزم هم ماته
وخوري، د شر او فساد ټغر به يې ټول شي، له دې خاورې به پښې سپکي کړي، او دلته به د طالبانو معتدل اسلامي ځواک د بري تر منزله ورسيږې.
ان شاء الله
