کابل ټکی کام (یکشنبه، ۳۱ ثور، ۱۴۰۲ل)
د سوډان په جګړې کې د ښکېلو ډلو استازو د ۷ ورځو لپاره په جګړې نه کولو موافقه کړې ده. د جګړې د ښکېلو ډلو استازو د سعودي عربستان د جدې په ښار کې د خبرو څخه وروسته د متحده ایالاتو او سعودي عربستان په ګډې اعلامیې کې ویل شوي چې ۷ ورځنی اوربند به د راتلونکې دوشنبې مې ۲۲ مې نېټې د خرطوم پر وخت د شپې په ۹:۴۵ د اعتبار وړ شي. په ګډې اعلامیې کې دا هم ویل شوي چې د اوربند موده د دواړو خواوو په موافقې غځیدلی هم شي. د متحده ایالاتو د بهرنیو چارو وزیر انتوني بلېنکن د اوربند د هوکړې په هکله په اعلامیې کې ویلي چې په سوډان کې د ټوپکو خاموشه کول او پرته له کومه خنډه بشري مرستو ته اجازه ورکول باید پخوا شوي وی.
