کابل ټکی کام (دوشنبه، ۱۷ تله، ۱۴۰۲ل)
په داسې حال کې چې په درېمه ورځ هم د حماس مجاهدینو او اسراییلي نیواکګرو ترمنځ خونړۍ نښتې روانې دي اسراییلي رسنۍ وایي، چې تر اوسه یې کابو زر تنه پوځيان وژل شوي او تر ۳۰۰۰ نورو ټپیان دي.
له غزې بیا ورکړل شوي راپورونه وایي، چې د اسراییلي اشغالګرو په هوایي بریدونو کې ۴۳۰ فلسطینيان شهیدان شوي او ۲۰۰۰ نور ټپیان دي.
د القسام ویاند ابو عبیده رسنیو ته ویلي، چې ځواکونه یې له غزې د باندې په هغو سیمو بشپړ کنترول لري چې د جګړې په لومړۍ ورځ یې نیولی وې او لا هم خپل پرمختګ ته دوام ورکوي.
د ویلو ده چې د “طوفان الأقصی” په نوم د فلسطیني مجاهدینو دغه تاریخ سازه عملیات د روانې اکتوبر میاشتې په ۷ مه نېټه سهار وختي پیل شوي او لا هم دوام لري.
