عبدالله
ایران تېره شپه د پاکستان په بلوچستان ایالت کې بریدونه وکړل او ادعا یې وکړه چې د بلوچستان په پنجګور سرحدي ښارګوټي کې یې د جیش العدل په نوم د یوې وسله والې ډلې مرکزونه په نښه کړي دي.
اسلام آباد د ایران بریدونه په سختو ټکو غندلي او یاده کړنه یې د پاکستان په خپلواکۍ یو څرګند تیری او د بین المللي قانون څخه یې سرغړونه بللې ده.
د پاکستان د رسمي دریځ له مخي دغه بریدونه د پاکستان له ځمکنۍ بشپړتیا او د دوه ګاونډیو هیوادونو له دوستانه څخه څرګنده سرغړونه ده.
د ایران هوايي برید نه ګډ عملیات وو او نه هم د ایراني چارواکو له خوا له پاکستان سره کوم معلومات شریک شوي وو.
بل لوري ته دا یو ښکاره حقیقت دی چې د بلوچستان په سیمو کې کومې منظمې نړیوالې ترهګرې ډلې شتون نلري او دا یرغل د بې ګناه ماشومانو د وژلو لامل شوی دی.
ددې خبرې باید یادونه وشي چې د پاکستان امنیتي ځواکونو د جیش العدل مهم غړي ونیول او د عبدالمالک ریګي په ګډون یې ایران ته وسپارل، چې په ۲۰۱۰م کال کې د ایراني چارواکو له خوا د هغه د اعدام شو
دغه راز پاکستان د ۲۰۱۵م کال په مارچ میاشت کې عبدالسلام ریګي نیولی وو او د ۲۰۲۰م کال په نومبر کې د پاکستان امنیتي ځواکونو د جیش العدل یو مشر عمر د بلوچستان په تربت کې وواژه.
پاکستان له ایران څخه غوښتنه کوي چې د BLA او BLF ډلو پر ضد دې اقدامات وکړي چې د ایران له خاورې په پاکستان کې بریدونه کوي؛ خو ايران هيڅکله د کوم ګام پورته کولو جرأت نه دی کړی چې ښایی ایران د پاکستان پر ضد خپله خاوره کاروي او د پاکستان خپلواکي او ازادي چیلنج کوي.
کلبوشن یادیو، د هند د سمندري ځواکونو قوماندان، چې په بلوچستان کې د پاکستان له خوا نیول شوی، هم په تهران کې اوسېده او په پاکستان کې یې د ګڼو ترهګرو بریدونو طرحه کړې وو.
یو شمېر نورو نیول شویو ترهګرو چې ایراني پاسپورټونه یې کارول، د پوښتنو پر مهال اعتراف کړی دې چې ددوی د ایراني استخباراتو لپاره کار کوي.
سره له دې چې پر پوله د اغزن تار لګولو او د چټک غبرګون د ګډ ځواک د جوړولو په څېر هڅې، د ایران او پاکستان د پولې دواړو غاړو ته په بلوچستان کې د روانو بېلتون غوښتونکو ګواښونو له امله ننګونې دوام لري.
ایران تیري نه یوازې د فبروري 2013 د پاکستان-ایران د امنیتي تړون څخه سرغړونه ده، بلکې په ښکاره توګه د ګډو تروریستي ګواښونو په وړاندې د ګډو عملیاتو غوښتنه کوي، بلکې د غزې د نسل وژنې په اړه هم د اسلامي وحدت د خطر سره مخ کوي.
په داسې حساس وخت کې چې په فلسطین کې د نسل وژنې او د لویدیځ لخوا د یمن په نښه کولو په وړاندې د مسلمانانو یووالي ته اړتیا ده، ایران د پاکستان د هوایي حریم څخه سرغړونه کوي او داسې ښکاري چې ایران په داسې وخت کې د نورو شخړو د رامنځته کولو اراده لري کله چې د غزې د کړکیچ په جریان کې د پام وړ مرستې کولو کې پاتې راغلی دې.
ایران فرقه ایزې وسله والې ډلې روزي، چې د پاکستان لپاره جدي اندیښنې راپورته کوي او په داسې وخت کې پاکستان د ایران د حاکمیت څخه د سرغړونې پر ځای، په دوامداره توګه د ایراني چارواکو سره خبرې کوي او د دې ډلو په وړاندې د اقدام کولو غوښتنه کوي.
پاکستان بیا بیا دا خبره په ډاګه کړې چې ترهګري په سیمه کې یو ګډ ګواښ دی او د همغږو هڅو غوښتنه یې کړې او دا یې د یو اړخیزه کړنې د ښه ګاونډیتوب د اړیکو خلاف دي او په یو بل د اعتماد او باور ته سخت زیان رسولی شي.
د پاکستان له ارضي حاکمیت څخه د ایران د نه منلو وړ سرغړونې اوس د پایلو مسؤلیت په کلکه د ایران پر غاړه دی.
یادونه: کابل ټکی کام کې هره خپرېدونکې لیکنه د لیکوال شخصي نظر څرګندوي د ادارې توافق ورسره شرط نه دی.
