کابل ټکی کام (سه شنبه، ۲۱ زمری، ۱۳۹۹ل)
له امریکا وروسته چین وایي چې د ۴۰۰ طالب بندیانو خوشي کول به ددواړو لورو ترمنځ د باور فضا پیاوړې کړي او دوی یې هرکلی کوي.
د چین د بهرنیو چارو زوارت ویاند په یوه خبري کنفرانس کې ویلي، چین تل هڅه کړې چې د افغانستان د سولې په مسئله کې مثبت رول ترسره کړي.
د چین د بهرنیو چارو وزارت همدا راز د لویې جرګې له پرېکړې هرکلی کړی دی او په خبره یې د بندیانو خوشي کول د باور فضا پیاوړې کوي.
چین په طالبانو او افغان حکومت غږ کړی چې پر ژمنو عمل وکړي او په دې توګه به د سولې هڅې پایلې ته ورسېږي.
چین تر دې وړاندې هم د افغانستان د سولې په مسئله کې د همکاریو ژمنه کړې وه، او آن د بین الافغاني مذاکراتو د کوربتوب وړاندیز یې هم کړی وو.
