زکات،سرسايه اوعشر

په معاش ( تنخوا ) باندې زکات شته او کنه ؟

د فتوی شمېره ( ۲۲۱)

پوښتنه :
سلامونه مې ومنئ زما پوښتنه د زکات په اړه ده ، زه د خپلې سرمايي نه پرته دفتر کې کار کوم د د فتر په مالک مې تنخوا اوښتې ایا د دې تنخوا زکات ورکولی شم ؟؟

پوښتونکی : حیات الله


الجواب وبالله التوفیق :

ترڅو چې څوک معاش ( تنخوا ) وانخلي مالک یې نه ګرځیږي ، بلکې د اخیستلو نه وروسته یې مالک ګرځیږي . له دې امله د تنخوا اخیستلو نه مخکې پرې زکات هم نه واجبیږي .

کله چې تنخوا واخلي بیا دوه صورتونه لري :

۱ : د تنخوا اخیستلو نه مخکې د نصاب مالک وي ، کله چې کال پوره شي نو څومره تنخوا یې چې اخیستې وي د هغې به هم زکات ورکوي .

۲: که څوک د تنخوا اخیستلو نه مخکې د نصاب مالک نه وي او دومره تنخوا واخلي چې د زکات نصاب ته رسیږي ، نو له دې نه وروسته د کال په پوره کېدو سره زکات هم پرې واجبیږي .

الدلیل علی ذلک :

ومن کان له نصاب فاستفاد فی اثناء الحول مالا من جنسه ضمه الی ماله وزکاه سواء کان المستفاد من نمائه او لا ، و بای وجه استفاد ضمه سواء کان بمیراث او هبة او غیر ذلک .

الفتاوی العالمګیریة ، ټوک : ۱ ، مخ : ۱۷۵ ، کتاب الزکاة ، الباب الاول

وشرط وجوب ادائها حولان الحول علی النصاب الاصلي .

مراقی الفلاح ، مخ : ۷۱۴ ، کتاب الزکاة



اړونده فتواګانې

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Close