د فتوې شمېره (۲۳۰)
پوښتنه :
که دهقان د خپل فصل په عشر کې د غنمو په ځای قیمت یې مستحق ته ورکړي او غنم ځان سره کېږدي نو دا جایز ده او کنه ؟ که روا وي نو په کومو شرایطو باندې ؟
الجواب وبالله الوفیق :
عشر ادا کونکي ته بغیر د قید شرط نه اختیار دی که ورته د جنس په ورکولو کې اسانتیا وي نو جنس دې ورکړي او که په قیمت ورکولو کې ورته اسانتیا وي نو قیمت دې ورکړي .
لهذا که دهقان د جنس ( که غنم وي یا بل شی ) په ځای قیمت مستحقینو ته ورکړي روا ده ، بلکې بهتره هم دا ده چې قیمت یې ورکړي .
الدلیل علی ذلک :
وجاز دفع القیمة في زکاة وعشر وخراج الخ
الدرالمختار مع رد المحتار ټوک ۲ مخ ۲۸۵
ان اداء القیمة افضل من عین المنصوص علیه ، وعلیه الفتوی .
الفتاوی الهندیة ټوک ۱ مخ ۱۹۲ الباب الثانی من صدقة الفطر
